МІНСК, 28 кас – Sputnik. Захад, у звыклай логіцы двайных стандартаў, спрабуе штучна абвінаваціць Беларусь у выкарстанні міграцыі як зброі, заявіў беларускі лідар Аляксандр Лукашэнка на III Мінскай міжнароднай канферэнцыі па еўразійскай бяспецы, перадае карэспандэнт Sputnik.
"Я дакладна адназначна заяўляю. Мы не займаемся і не збіраемся займацца выкарыстаннем міграцыйных працэсаў ні ў якім выглядзе... Міграцыя – гэта найперш наступства крызісу, наступства разбураных эканомік, разарваных сацыяльных сувязей і знішчаных дзяржаўных інстытутаў", - сказаў Лукашэнка.
Ён растлумачыў, што мае на ўвазе вынікі безадказнай палітыкі калектыўнага Захаду ў шэрагу краін, у прыватнасці ў Афганістане, у краінах Блізкага Усходу.
"Калі вы дэстабілізуеце і бамбіце іншыя краіны, выцягваеце іх рэсурсы і ставіце пад пагрозу іх будучыню, чаго вы чакаеце? Што людзі застануцца на руінах сваіх дамоў? Не – яны паедуць туды, дзе, як яны спадзяюцца, ёсць хаця б адносная бяспека", - падкрэсліў кіраўнік дзяржавы.
"Лавіць нікога не будзем"
Таксама Лукашэнка прапанаваў назваць хаця б адну прычыну, чаму Беларусь павінна абараняць Еўрапейскі Саюз ад мігрантаў ва ўмовах санкцый.
"Як толькі ўвялі санкцыі і разарвалі з намі адносіны па пытаннях міграцыі, я ім сумленна і шчыра сказаў, што, рабяты, мы лавіць тут нікога не будзем і абараняць не будзем... Людзі знойдуць сваю дарогу самі туды, куды іх паклікалі", - адзначыў прэзідэнт Беларусі.
Ён нагадаў, што заходнія суседзі Беларусі згарнулі ўсе праекты прыгранічнага супрацоўніцтва ў аднабаковым парадку.
Еўрасаюз сам паклікаў да сябе мігрантаў
Акрамя таго, беларускі лідар нагадаў, што фактычна ЕС сам паклікаў да сябе мігрантаў. Такую заяву рабіла і Ангела Меркель на пасадзе канцлера ФРГ.
"Прыязджайце. Няма каму працаваць. Ну, дык калі яны да вас прыехалі, мігранты... Вы ім стварыце роўныя ўмовы са сваімі людзьмі", - заклікаў ЕС Лукашэнка.
Беларускі вопыт
Прэзідэнт адзначыў, што ў Беларусі якраз і ствараюць роўныя ўмовы для замежных грамадзян, якія пастаянна пражываюць у рэспубліцы.
"Вось тыя, хто да нас прыязджаюць, усё роўна... З нашай роднай Расіі пераехалі, нават не мігранты. З Казахстана таксама нашы людзі, з Арменіі і іншых краін. Ці ж з Афганістана, Узбекістана і далей. Мы ім ствараем усе ўмовы, як у Беларусі", - заявіў Лукашэнка.
Ён растлумачыў, што размова ідзе аб бясплатнай адукацыі ў школах, аб ахове здароўя і гэтак далей.
"Вы калі-небудзь чулі, што ў нас мігранты ўчынілі нейкія злачынствы? Яны цэняць тое стаўленне, якое складваецца ў Беларусі ў адносінах да іх. Хто перашкаджае багатай Еўропе, як яны там казалі, сад ці што... Хто ім перашкаджае зрабіць гэта? Трэба проста зрабіць", - сказаў Лукашэнка.
На думку беларускага прэзідэнта, з мігрантаў на Захадзе проста хацелі зрабіць рабоў.
Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь, чытайце нас у Дзэн, а таксама сачыце за намі ў сацсетках "Одноклассники" і "ВКонтакте"