МІНСК, 29 кас – Sputnik. Прэм’ер-міністр Беларусі Аляксандр Турчын прыняў удзел ва ўрачыстай цырымоніі закладкі капсулы, якая сімвалізуе пачатак будаўніцтва Цэнтра беларускай тэхнікі ў Санкт-Пецярбургу, паведаміла прэс-служба ўрада рэспублікі.
Цэнтр беларускай тэхнікі – першы падобны аб’ект такога ўзроўню на тэрыторыі Паўночна-Заходняй акругі РФ. Яго стварэнне сімвалізуе новы этап двухбаковых адносін Беларусі і Санкт-Пецярбурга і стане лагічным прадаўжэннем сумеснай работы па забеспячэнні патрэбнасцей у розных відах машын.
"Мы прынялі рашэнне пайсці на гэты крок, таму што перакананы ў значным патэнцыяле развіцця Санкт-Пецярбурга як аднаго з найбольш магутных цэнтраў прыцягнення на еўразійскім рынку", - сказаў Турчын, выступаючы на ўрачыстай цырымоніі.
Кіраўнік беларускага ўрада выказаў упэўненасць, што ўзаемнае супрацоўніцтва яшчэ не раз прадэманструе высокія вынікі і істотна паўплывае на развіццё адносін паміж Беларуссю і Санкт-Пецярбургам.
У "Цэнтры беларускай тэхнікі" размесціцца пастаянна дзеючая экспазіцыя з абсталяванымі выставачнымі зонамі ўнутры памяшкання і на сумежнай тэрыторыі. Тут плануецца арганізаваць работу мабільных перасовачных сервісных брыгад. У планах таксама рэалізацыя аўтатэхнікі і запасных частак у рамках мультыбрэндавай пляцоўкі.
Піцер у прыярытэце
Кіраўнік Беларускага ўрада знаходзіцца з афіцыйным візітам у Санкт-Пецярбургу, дзе прыме ўдзел у 15-м пасяджэнні Савета дзелавога супрацоўніцтва Рэспублікі Беларусь і Санкт-Пецярбурга. У праграме візіту – наведванне патрыятычнага аб'яднання "Ленрезерв".
Раней на сустрэчы прэзідэнта Беларусі Аляксандра Лукашэнкі і губернатара Санкт-Пецярбурга Аляксандра Бяглова, кіраўнік беларускай дзяржавы падкрэсліваў асаблівую значнасць супрацоўніцтва з паўночнай сталіцай РФ.
"Піцер для нас – прыярытэт з прыярытэтаў", - адзначыў тады Лукашэнка.
Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь, чытайце нас у Дзэн, а таксама сачыце за намі ў сацсетках "Одноклассники" і "ВКонтакте"