МІНСК, 2 ліс – Sputnik. Беларускі прэзідэнт Аляксандр Лукашэнка адобрыў як аснову для далейшых перагавораў праект паправак у пагадненне з Расіяй аб роўных правах грамадзян на свабоду перамяшчэння, гэта прадугледжана ўказам №383 ад 27 кастрычніка, які афіцыйна апублікаваны ў сераду на Нацыянальным прававым інтэрнэт-партале.
У прыватнасці, кіраўнік дзяржавы адобрыў праект пратакола аб унясенні змяненняў у пагадненне паміж Беларуссю і Расіяй аб забеспячэнні роўных праў беларусаў і расіян на свабоду перамяшчэння, выбар месца знаходжання і жыхарства на тэрыторыях дзяржаў, якія ўваходзяць у Саюзную дзяржаву. Першапачаткова пагадненне было падпісана бакамі 24 студзеня 2006 года.
Такім чынам, праект дакумента можа стаць асновай для правядзення далейшых перагавораў. Праводзіць іх Лукашэнка ўпаўнаважыў міністэрства ўнутраных спраў рэспублікі.
Акрамя таго, спецыялісты ведамства змогуць пры неабходнасці ўносіць у праект змены, але яны не павінны мець прынцыповага характару.
Таксама прэзідэнт упаўнаважыў МУС падпісаць пратакол, калі бакамі будуць дасягнуты дамоўленасці ў межах ухваленага ім праекта.
Раней Лукашэнка падпісаў закон аб ратыфікацыі пратакола са зменамі ў дагавор аб роўных правах грамадзян Беларусі і Расіі, які быў падпісаны бакамі 25 снежня 1998 года.
Як адзначылі ў прэс-службе кіраўніка дзяржавы, рэалізацыя гэтага дакумента дасць магчымасць на ўзаемнай аснове беларускім і расійскім грамадзянам, якія пастаянна пражываюць на тэрыторыі іншай дзяржавы, удзельнічаць у мясцовых выбарах.
Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь, чытайце нас у Дзэн, а таксама сачыце за намі ў сацсетках "Одноклассники" і "ВКонтакте"