МІНСК, 4 ліс – Sputnik. Прэзідэнт Беларусі Аляксандр Лукашэнка бачыць перспектывы росту тавараабароту з Індыяй, аб гэтым кіраўнік дзяржавы заявіў на сустрэчы з паслом гэтай краіны Ашокам Кумарам.
Кіраўнік дзяржавы сёння прыняў пасла Індыі ў Палацы Незалежнасці. Паводле слоў прэзідэнта, пытанне супрацоўніцтва Беларусі і Індыі цяпер актуальнае і знаходзіцца на асаблівым кантролі, краіны і блізка не падышлі да таго, каб рэалізаваць усе існуючыя магчымасці.
"Хоць мы і ў два разы павысілі наш тавараабарот, дасягнуўшы паўмільярда долараў, але ў нашых адносінах гэта амаль нішто. І тая планка, да якой мы імкнёмся - $2-3 млрд тавараабароту за год, - гэта цалкам рэальна і дасягальна", - цытуе словы Лукашэнкі прэс-служба прэзідэнта.
Беларускі лідэр падкрэсліў, што галоўнае пытанне цяпер - актывізацыя супрацоўніцтва дзвюх краін. І заклікаў індыйскі бок грунтоўна падключыцца да працэсу актывізацыі гандлёвага абароту.
"Я ведаю, што вы гэта зрабіць можаце", - падкрэсліў Лукашэнка.
Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь, чытайце нас у Дзэн, а таксама сачыце за намі ў сацсетках "Одноклассники" і "ВКонтакте"