МІНСК, 24 ліс – Sputnik. Адна з асаблівасцей беларускага бюджэту – адносна нізкая залежнасць ад кан'юнктурных даходаў, заявіў міністр фінансаў Беларусі Юрый Селіверстаў на пасяджэнні Палаты прадстаўнікоў у панядзелак, перадае карэспандэнт Sputnik.
"У нас няма такой прывязкі да нафтагазавых даходаў, як у нашых, як у суседзяў", - сказаў міністр.
Гэта дае пэўную ўстойлівасць падчас глабальнай нестабільнасці, але гэта ж і абмяжоўвае магчымасць для фармавання рэзерваў.
"Развіваючы інтэграцыйныя працэсы ў рамках Саюзнай дзяржавы, мы паслядоўна сінхранізуем падатковыя рэжымы з Расійскай Федэрацыяй", - таксама адзначыў Селіверстаў.
Прадстаўляючы падатковыя папраўкі на будучы год, кіраўнік Мінфіна паведаміў, што плануецца індэксацыя акцызаў. Раней Расія і Беларусь дамаўляліся, што стаўкі шэрага акцызаў павінны быць не менш за пэўны ўзровень.
На гэты момант плануецца, што акцызы на цыгарэты без фільтра і першай цэнавай групы павысяцца на 12%, на тытунёвыя вырабы – на 3%, на вадкасці для электронных сістэм курэння – на 20%, на аўтамабільнае паліва - на 3%.
Гэтыя і іншыя меры, як чакаецца, могуць павялічыць паступленні ў рэспубліканскі бюджэт больш як на 376 млн рублёў.
Падатковыя папраўкі былі прыняты ў панядзелак у першым чытанні.
Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь, чытайце нас у Дзэн, а таксама сачыце за намі ў сацсетках "Одноклассники" і "ВКонтакте"