МІНСК, 27 ліс – Sputnik. Прэзідэнт Расіі Уладзімір Пуцін заявіў аб станоўчай дынаміцы на фронце для УС РФ па ўсіх напрамках, адзначыўшы вялікія страты праціўніка.
"Па ўсіх кірунках (для расійскіх войск. - Sputnik) захоўваецца пазітыўная дынаміка", - сказаў кіраўнік расійскай дзяржавы журналістам у чацвер.
Пры гэтым ён указаў на вялікія страты, якія нясе УСУ. Толькі за кастрычнік, падкрэсліў Пуцін, праціўнік пазбавіўся 47,5 тыс. сваіх байцоў, да таго ж ва УСУ расце дэзерцірства.
Таксама прэзідэнт РФ адзначыў павелічэнне разрыву паміж стратамі УСУ і колькасцю вайскоўцаў, якія адпраўляюцца Кіевам у зону баявых дзеянняў.
"Самая галоўная праблема для праціўніка заключаецца ў тым, што ў іх расце разрыў паміж стратамі і колькасцю ваеннаслужачых, якую яны ў стане накіроўваць на лінію баявога судакранання", - сказаў ён.
Прычым, падкрэсліў Пуцін, мабілізацыя ва Украіне мае гвалтоўны характар.
Згортванне фронту для Украіны непазбежна
Расійскі лідар падкрэсліў, што згортванне фронту для Кіева з’яўляецца непазбежным, калі на іншых яго ўчастках паўторыцца сітуацыя ў Купянску.
Гаворачы аб поспехах УС РФ, ён, у прыватнасці, адзначыў, што армія Расіі ўжо падышла на 1,5 км да горада Гуляйполе, а войскі групоўкі "Усход" праламалі абарону праціўніка і хутка прасоўваюцца на мяжы Запарожскай і Днепрапятроўскай абласцей.
На сённяшні дзень амаль цалкам у руках расійскіх войск Ваўчанск і вельмі няпростая для УСУ склалася сітуацыя ў Северску, дадаў Пуцін.
Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь, чытайце нас у Дзэн, а таксама сачыце за намі ў сацсетках "Одноклассники" і "ВКонтакте"