МІНСК, 8 сне – Sputnik. Рост ВУП Расіі па выніках гэтага года можа скласці каля 1%, а інфляцыя прыкладна 6% або нават менш, заявіў прэзідэнт РФ Уладзімір Пуцін на пасяджэнні Савета па стратэгічным развіцці і нацыянальных праектах.
"Цяпер створаны ўмовы і магчымасці для таго, каб пачаць паступова нарошчваць эканамічную дынаміку, пры гэтым захаваць нізкае беспрацоўе", - таксама адзначыў прэзідэнт РФ.
Па выніках папярэдняга года інфляцыя ў Расіі склала 9,52%. Пры гэтым, паводле інфармацыі Расстата, харчовыя тавары тады падаражэлі на 11,05%, паслугі – на 11,52%. У цэлым за апошні час рэзкі рост гадавога ўзроўню інфляцыі ў РФ быў у красавіку 2022 года (17,83%). Аднак да красавіка 2023-га рост цэн істотна знізіўся і склаў 2,31%.
У гэтым годзе максімум зафіксаваны ў сакавіку – 10,34%. Па выніках кастрычніка ўжо было 7,71%.
"Інфляцыю стрымлівалі зніжэнне цэн на цукар і запаволенне прыросту цэн на адукацыйныя паслугі пасля іх моцнага сезоннага падаражання ў верасні. Але стрымальны эфект быў цалкам перакрыты тым, што цэны на агародніну і садавіну раслі мацней, чым звычайна ў гэты час года", - адзначаецца ў аглядзе Цэнтрабанка Расіі.
Па прагнозе ЦБ РФ, гадавая інфляцыя ў 2026-м можа знізіцца да 4-5%.
Акрамя таго, Пуцін паставіў задачу перад урадам "абяліць эканоміку". Паводле слоў прэзідэнта, важна, каб з павышэннем падатку на дададзеную вартасць бізнес не сыходзіў у цень.
Таксама ён адзначыў, што праекты тэхналагічнага лідарства складаныя і нестандартныя, але тэмп іх рэалізацыі павінен сур’ёзна ўзрасці. Трэба паставіць на паток укараненне расійскіх інавацый, якія будуць шырока выкарыстоўвацца.
Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь, чытайце нас у Дзэн, а таксама сачыце за намі ў сацсетках "Одноклассники" і "ВКонтакте"