МІНСК, 9 сне – Sputnik. Міністр абароны Беларусі Віктар Хрэнін паведаміў, што інфармацыю пра тое, калі заступіць на баявое дзяжурства "Орешник", агучыць кіраўнік дзяржавы Аляксандр Лукашэнка на УНС.
"Гэта кампетэнцыя і прэрагатыва прэзідэнта Рэспублікі Беларусь. Чакайце Усебеларускага народнага сходу, усё прэзідэнт скажа", - заявіў Хрэнін тэлеканалу "Першы інфармацыйны", адказваючы на адпаведнае пытанне.
Як раней адзначаў дзяржсакратар Савета бяспекі Беларусі Аляксандр Вальфовіч, пастаўку "Орешник" здзейсняць у тэрмін, які абазначылі беларускі і расійскі лідары Аляксандр Лукашэнка і Уладзімір Пуцін.
"Рашэнне нашых прэзідэнтаў – Беларусі, Расіі – не абмяркоўваецца. Таму ўсё ідзе ў планавыя тэрміны і да канца года гэтая задача будзе рэалізавана ў поўным аб’ёме", - падкрэсліваў Вальфовіч.
Паводле яго слоў, ён нядаўна певедамляў кіраўніку беларускай дзяржавы аб ходзе выканання гэтага даручэння.
"Ён усе гэтыя пытанні трымае на асабістым жорсткім кантролі. Не выканаць мы проста не маем права, у нас няма іншага шляху", - сказаў Вальфовіч.
"Орешник"
Расійскія вайскоўцы ўпершыню выкарысталі найноўшую гіпергукавую ракету "Орешник" па зброевым комплексе ВПК Украіны ў Днепрапятроўску, выпрабаваўшы яе ў баявых умовах 21 лістапада 2024 года. Ракета была ў няядзерным выкананні. Ракета здольна развіваць вялікую хуткасць, яе не можа збіць ні адна з існуючых сістэм супрацьракетнай абароны ў свеце.
У снежні мінулага года прэзідэнт Беларусі Аляксандар Лукашэнка папрасіў свайго расійскага калегу размясціць у рэспубліцы гэтую найноўшую зброю. Пуцін адказаў станоўча і заявіў, што "Орешник" могуць перадаць Беларусі ў другой палове 2025 года.
Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь, чытайце нас у Дзэн, а таксама сачыце за намі ў сацсетках "Одноклассники" і "ВКонтакте"