МІНСК, 9 сне – Sputnik. Неабходна актуалізаваць абаронныя дзеянні Беларусі на фоне таго становішча, якое складваецца на мяжы з заходнімі краінамі і актыўнае нарошчванне Еўрасаюзам узбраенняў, заявіў прэзідэнт Беларусі Аляксандр Лукашэнка.
Беларускі лідар правёў у аўторак пасяджэнне Савета бяспекі.
"Нам трэба актуалізаваць нашы абаронныя дзеянні для таго, каб усе бачылі (і перш за ўсё наш народ), што мы гатовы абараняць кожны кавалак нашай зямлі", - сказаў Лукашэнка.
Ён прапанаваў таксама разгледзець пытанні планавання абароны краіны на перыяд з 2026 па 2030 год.
"Мы павінны абараніць сваю краіну. І абараніць тое, што належыць, можа быць, ужо не нам, а нашым дзецям", - перадае словы прэзідэнта яго прэс-служба.
Кіраўнік дзяржавы асабліва адзначыў, што Беларусь не імкнецца да канфлікту, але павінна быць гатова абараняць свае нацыянальныя інтарэсы.
"Мы не хочам вайны, мы нікога не лічым сваімі праціўнікамі і сапернікамі. Але, тым не менш, мы рыхтуемся да гэтай вайны, каб яе не было. Тысячу разоў пра гэта сказана. І мы пра гэта адкрыта і рашуча заяўляем", - заявіў Лукашэнка.
Таксама ён падкрэсліў, што інтарэсы Беларусі не распасціраюцца за яе межы.
Прэзідэнт звярнуў увагу, што пытанні абароны і бяспекі ў Беларусі павінны быць сярод прыярытэтных. Паводле яго слоў, менавіта таму было пастаўлена пытанне аб вяртанні ў Беларусь ядзернай зброі і аб размяшчэнні на баявое дзяжурства самых сучасных комплексаў расійскай вытворчасці.
Лукашэнка адзначыў, што ў гэтым пытанні Беларусь атрымлівае ад Расіі поўнае ўзаемаразуменне і падтрымку.
"Мы маем поўнае ўзаемаразуменне і падтрымку Расіі. Таму мы разам і будзем старацца абараніць нашу краіну", - сказаў беларускі лідар.
Пры гэтым ён акцэнтаваў увагу на тым, што Беларусь гатова выбудоўваць нармальныя адносіны па ўсіх напрамках.
"Мы ні на каго не збіраемся нападаць. Гэта не наша тэма. Хопіць. Наваяваліся", - падкрэсліў Лукашэнка.
Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь, чытайце нас у Дзэн, а таксама сачыце за намі ў сацсетках "Одноклассники" і "ВКонтакте"