МІНСК, 10 сне – Sputnik. Колькасць сямей, якія выхоўваюць трох і больш дзяцей, вырасла ў Беларусі за апошняе дзесяцігоддзе на 70%, паведаміла прэс-служба Мінпрацы і сацабароны рэспублікі.
"Кожнае чацвёртае дзіця ў Беларусі нараджаецца ў шматдзетнай сям’і", - гаворыцца ў паведамленні.
Згодна са статыстыкай міністэрства, для 68,8% беларусаў найвышэйшай жыццёвай каштоўнасцю з’яўляюцца дзеці, а для 65,1% – сама сям’я.
Што да памеру сямейнага капіталу для шматдзетных сямей, то ў 2025 годзе ён складае 33 275 беларускіх руб. З 2015 года ім скарысталіся 150,6 тыс сямей.
У профільным ведамстве таксама паведамілі, што бацькі плацяць за дзіцячы сад усяго 13-17% ад рэальнага кошту, а для шматдзетных сямей дзейнічае яшчэ і скідка ў памеры 50%.
Таксама ў Мінпрацы і сацабароны адзначылі цікавасць мужчын да кароткатэрміновага "бацькоўскага водпуску" працягласцю да 14 дзён.
Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь, чытайце нас у Дзэн, а таксама сачыце за намі ў сацсетках "Одноклассники" і "ВКонтакте"