МІНСК, 12 сне – Sputnik. Рэгістрацыя на рэпетыцыйны цэнтралізаваны экзамен пачынаецца сёння ў Беларусі, паведамілі ў прэс-службе Міністэрства адукацыі рэспублікі.
Як удакладнілі ў профільным ведамстве, для праходжання рэпетыцыйнага экзамену школьнікі могуць выбраць любы прадмет.
Зарэгістравацца на РЦЭ можна ва ўстановах агульнай сярэдняй адукацыі. Дзеля гэтага трэба толькі напісаць заяву на імя кіраўніка ўстановы, дзе яны вучацца, і выбраць прадмет.
Сама рэпетыцыя адбудзецца 31 студзеня, а фінальны дзень, калі можна будзе зарэгістравацца на экзамен, – 17 снежня.
Як адзначалі раней у Рэспубліканскім інстытуце кантролю ведаў (РІКВ), рэпетыцыя дапаможа зразумець, як будзе праходзіць ЦЭ – пачынаючы ад рассадкі і да запаўнення бланкаў, а таксама дасць магчымасць ацаніць узровень ведаў па выбраным прадмеце і навучыцца правільна размяркоўваць час на экзамене.
Згодна з устаноўленымі Мінадукацыі графікамі, цэнтралізаваныя экзамены ў выпускнікоў школ па фізіцы, матэматыцы, хіміі, біялогіі, замежнай мове (англійская, нямецкая, іспанская, французская, кітайская), гісторыі Беларусі ў кантэксце сусветнай гісторыі, геаграфіі, грамадазнаўству (па выбары навучэнца) пройдуць 26 мая 2022. Па беларускай ці рускай мовах (на выбар выпускніка) ЦЭ пройдзе 29 мая.
Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь, чытайце нас у Дзэн, а таксама сачыце за намі ў сацсетках "Одноклассники" і "ВКонтакте"