На тэрыторыю беларускага пагранічнага пункта пропуску ўкраінскі бок даставіў 15 расіян, з якіх 12 жанчын і тры мужчыны. Іх прыехалі сустракаць сваякі – дзеці і ўнукі, бо ў асноўным гэта былі людзі сталага веку, у тым ліку тры жанчыны ва ўзросце 86 гадоў.
Сярод тых, хто сустракаў – Вікторыя Грыднева са Старога Аскола Белгародскай вобласці, яна сустракала сваіх бацьку і маці, якім ужо больш за 80 гадоў. 15 расіян, якія ўз’ядналіся са сваімі сем’ямі, паедуць да сваіх родных у Маскву, Астраханскую, Цюменскую, Растоўскую, Белгародскую, Курскую вобласці.
У мерапрыемствах па ўз'яднанні сямей прынялі ўдзел Упаўнаважаны па правах чалавека ў РФ Таццяна Маскалькова і яе ўкраінскі калега Дзмітрый Лубінец.
Таццяна Маскалькова павіншавала расіян, якія вярнуліся, і падзякавала іх сваякам за тое, што "не кідаюць бацькоў". Тыя ў сваю чаргу выказалі словы падзякі амбудсмену.
У гуманітарнай місіі уз’ядналіся і 10 украінскіх сямей. Маскалькова адзначыла ролю беларускага боку ў пытаннях уз’яднання сямей, падзеленых у выніку ўкраінскага канфлікту.
Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь, чытайце нас у Дзэн, а таксама сачыце за намі ў сацсетках "Одноклассники" і "ВКонтакте"