МІНСК, 21 сне – Sputnik. Прэзідэнт Беларусі Аляксандр Лукашэнка з 21 па 22 снежня здзяйсняе рабочы візіт у Санкт-Пецярбург, паведаміла прэс-служба кіраўніка дзяржавы.
Мэта паездкі – удзел у пасяджэнні Вышэйшага Еўразійскага эканамічнага савета, якое пройдзе ў вузкім і пашыраным складах 21 снежня, а таксама саміце СНД, запланаваным на 22-е.
"У парадак дня (мерапрыемстваў ЕАЭС. - Sputnik) уключана два дзесяткі пытанняў. Кіраўнікі дзяржаў Еўразійскага эканамічнага саюза абмяркуюць фарміраванне агульных рынкаў нафты і нафтапрадуктаў, асноўныя напрамкі міжнароднай дзейнасці на будучы год, падыходы да развіцця гандлёва-эканамічнага супрацоўніцтва з асноўнымі партнёрамі ЕАЭС і шэраг іншых пытанняў", - гаворыцца ў паведамленні.
Акрамя таго, у праграме візіту – чарговая сустрэча з прэзідэнтам Расіі Уладзімірам Пуціным.
Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь, чытайце нас у Дзэн, а таксама сачыце за намі ў сацсетках "Одноклассники" і "ВКонтакте"