МІНСК, 23 сне – Sputnik. Карупцыя недапушчальна, аб гэтым заявіў прэзідэнт Беларусі Аляксандр Лукашэнка.
У аўторак кіраўнік дзяржавы правёў кадравы дзень. Дзмітрый Гара, які раней узначальваў Следчы камітэт, стаў кіраўніком Генеральнай пракуратуры.
Прэзідэнт Беларусі пры назначэнні Гары на пасаду генеральнага пракурора зрабіў акцэнт на рабоце па спыненні правапарушэнняў карупцыйнай накіраванасці.
Лукашэнка адзначыў, што Генпракурору давядзецца "вельмі сур’ёзна працаваць" з новым старшынёй Следчага камітэта. Кіраўнік дзяржавы нагадаў, што раней ужо гаварыў аб недапушчальнасці карупцыі.
"Па вялікім рахунку, калі мы не будзем утрымліваць гэтыя карупцыйныя накіраванасці, мы прыйдзем да вайны. Заўсёды так бывае. Асабліва ў нас – славян. Мы – такі род, які не церпіць несправядлівасці. А карупцыя – гэта жудасная несправядлівасць", - прыводзіць словы беларускага лідара агенцтва БелТА.
Акрамя таго, паводле слоў прэзідэнта, пракуратура павінна быць сапраўдным штабам, і не толькі ў барацьбе з карупцыяй.
Ён таксама даручыў не выпускаць з-пад увагі рэалізацыю ў краіне сапраўдных праў чалавека ў рэспубліцы – не толькі беларусаў, і тых, хто прыязджае ў краіну.
"Органы пракуратуры прызначаны для кантролю за аднастайным і дакладным выкананнем законаў у нашай краіне", - падкрэсліў ён.
Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь, чытайце нас у Дзэн, а таксама сачыце за намі ў сацсетках "Одноклассники" і "ВКонтакте"