МІНСК, 24 сне – Sputnik. Галоўны трэнер мінскага "Дынама" Дзмітрый Квартальнаў застаўся задаволены гульнёй сваіх падапечных у дамашнім матчы рэгулярнага чэмпіянату КХЛ супраць маскоўскіх аднаклубнікаў, паведаміла прэс-служба "зуброў".
Напярэдадні мінчане на дамашнім лёдзе абгулялі маскоўскае "Дынама" з буйным лікам – 7:1.
"Гульня ўдалася нам. Добры быў пачатак, другі перыяд добры. У трэцім перыядзе ўжо сталі выдаляцца, але выдатна, што не прапусцілі. Добрая гульня з нашага боку была сёння", - сказаў трэнер.
Форвард мінскага "Дынама" Данііл Ліпскі ў сваю чаргу адзначыў, што заўсёды важна добра стартаваць, асабліва на дамашняй арэне.
"На "Мінск-Арэну" прыйшло пятнаццаць тысяч (балельшчыкаў. - Sputnik) – гэта нас толькі наперад гоніць, за кошт гэтага выходзім і імкнемся выйграць. Ніколі такога яшчэ не было, што столькі аншлагаў запар. Дзякуй балельшчыкам за тое, што нас падтрымліваюць", - сказаў хакеіст.
Пасля гульні ў актыве ў мінскага "Дынама" 53 ачкі, каманда знаходзіцца на другім месцы ў табліцы Заходняй канферэнцыі КХЛ.
Наступныя матчы "зубры" згуляюць 26 снежня з піцерскім СКА, а 28 снежня – зноў супраць "Динамо-Москва". Пасля мінчане адправяцца на выязную серыю, дзе правядуць сустрэчы з "Салаватом Юлаевым" з Уфы, "Трактором з Чэлябінска, ЦСКА з Масквы і чарапавецкай "Северсталью".
Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь, чытайце нас у Дзэн, а таксама сачыце за намі ў сацсетках "Одноклассники" і "ВКонтакте"