МІНСК, 29 сне – Sputnik. Крымінальную справу па абвінавачанні эсэсаўца Ганса Ойгена Зіглінга аб генацыдзе беларускага народа Вярхоўны суд Беларусі пачне разглядаць 26 студзеня, паведамілі ў прэс-службе Вярхоўнага суда.
"Судовае разбіральніцтва па крымінальнай справе па абвінавачванні Ганса Ойгена Зіглінга (1912-1978) у здзяйсненні злачынства, прадугледжанага арт. 127 КК (генацыд) прызначана да разгляду на 10:00 26 студзеня 2026 года", - паведамілі ў прэс-службе Вярхоўнага суда.
Крымінальную справу ў дачыненні да эсэсаўца Зіглінга будзе разглядаць калегія ВС, яна будзе слухацца ў адкрытым судовым пасяджэнні з удзелам дзяржаўнага абвінаваўцы і абаронцы, адзначылі ў Вярхоўным судзе.
Як вынікае з матэрыялаў крымінальнай справы, Зіглінг узначальваў з моманту дыслакацыі на акупіраванай тэрыторыі БССР украінскую паліцэйскую роту, а са снежня 1942 года – студзеня 1943 года – створаны на яе базе 57-ы батальён ахоўнай паліцыі, выконваў злачынныя загады вышэйстаячага кіраўніцтва нацысцкай Германіі.
Як вынікае з абвінавачання, ён пазбавіў жыцця 1 706 чалавек, якія былі расстраляны ці павешаны.
У гісторыі Рэспублікі Беларусь гэта шостая накіраваная ў суд крымінальная справа ў адносінах да нацыстаў.
Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь, чытайце нас у Дзэн, а таксама сачыце за намі ў сацсетках "Одноклассники" і "ВКонтакте"