МІНСК, 31 сне – Sputnik. Старшыня праўлення Нацыянальнага банка Беларусі Раман Галоўчанка назваў фактары, якія паўплывалі на ўмацаванне нацыянальнай валюты рэспублікі ў 2025 годзе.
"Умацаванне беларускага рубля ў гэтым годзе было істотнае. Звязана гэта з многімі фактарамі. Па-першае, на ўнутраным валютным рынку склалася вялікая прапанова валюты, якую Нацбанк, натуральна, купляў і ўкладваў, што называецца, у рэзервы", - адзначыў ён на відэа, апублікаваным у Telegram-канале Нацбанка.
Ён таксама падкрэсліў, што адмова ад долара ЗША адбываецца не столькі па палітычных або ідэалагічных меркаваннях, колькі па элементарных законах эканомікі.
"Імпарт, дапусцім, для такіх краін, як Расійская Федэрацыя, Рэспубліка Беларусь і шэрага іншых краін больш не аплачваецца ў доларах. Ён аплачваецца ў валютах іншых краін, у тым ліку ў нацыянальных валютах. Попыт на амерыканскія долары знізіўся, а паколькі ў нас рыначнае кіраванне курсам, адпаведна, і патрэбнасць у доларах упала", - растлумачыў.
Другі фактар, паводле яго слоў, гэта агульная дэвальвацыя долара да так званага кошыка шасці моцных валют свету.
"Ну і трэці фактар – гэта тое, што адбылося дастаткова моцнае ўмацаванне курсу расійскага рубля. Паколькі ў нас 60% нашага гандлю ідзе з Расійскай Федэрацыяй і мы яго ажыццяўляем у расійскіх рублях, таму аўтаматычна беларускі рубель умацаваўся да долара следам за Расіяй", - растлумачыў Галоўчанка.
Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь, чытайце нас у Дзэн, а таксама сачыце за намі ў сацсетках "Одноклассники" і "ВКонтакте"