МІНСК, 4 сту – Sputnik. Скарочаны працоўны дзень прадугледжаны ў перадсвяточны дзень 6 студзеня, паведаміла Мінпрацы Беларусі.
У праваслаўную калядную Куццю працаўнікі змогуць пайсці дадому на гадзіну раней. Калі супрацоўнік аформлены на паўстаўкі – на 30 хвілін. Калі скарачэнне працоўнага дня па нейкіх прычынах немагчыма, перапрацоўку павінны кампенсаваць дадатковым адпачынкам або дадатковай аплатай як за звышурочную.
"Святочныя непрацоўныя дні, якія прыпадаюць на перыяд працоўнага водпуску, у лік каляндарных дзён водпуску не ўключаюцца і не аплачваюцца", - таксама ўдакладнілі ў ведамстве.
Мінпрацы нагадала, што ўсяго ў гэтым месяцы 12 свят і выхадных, а працоўных дзён – 19.
Акрамя таго, міністэрства звярнула ўвагу, што ў студзені 2026 года разліковая норма працоўнага часу пры 40-гадзінным працоўным тыдні складзе 151 гадзіну (для пяцідзёнкі) і 157 гадзін (для шасцідзёнкі).
Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь, чытайце нас у Дзэн, а таксама сачыце за намі ў сацсетках "Одноклассники" і "ВКонтакте"