МІНСК, 7 сту – Sputnik. Савет міністраў Беларусі зацвердзіў дзяржаўную праграму "Здароўе нацыі", разлічаную да 2030 года, паведамілі ў прэс-службе ўрада.
Адпаведная пастанова была падпісана прэм’ер-міністрам рэспублікі Аляксандрам Турчыным.
Адзначаецца, што праграма змяшчае тры падпраграмы – "Прафілактыка, дыягностыка, лячэнне", "Лічбавізацыя і высокатэхналагічная медыцына" і "Інфраструктура аховы здароўя".
"Фінансаванне дзяржпраграмы – 98 млрд рублёў", - гаворыцца ў паведамленні.
Ва ўрадзе ўдакладнілі, што рэалізацыя гэтай праграмы дасць магчымасць да 2030 года павялічыць чаканую працягласць жыцця да 76,5 гадоў і знізіць агульны каэфіцыент смяротнасці насельніцтва да 11,5 праміле.
Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь, чытайце нас у Дзэн, а таксама сачыце за намі ў сацсетках "Одноклассники" і "ВКонтакте"