МІНСК, 13 сту – Sputnik. Больш за 151,2 тыс дэпазітаў было адкрыта па стане на пачатак студзеня па праграме "Сямейны капітал", паведаміла прэс-служба міністэрства працы і сацабароны Беларусі.
Так, паводле звестак на 1 студзеня для шматдзетных было адкрыта 82,6 тыс дэпазітных рахункаў на суму 826 млн долараў, а таксама 68,6 тыс рахункаў на агульную суму 1,83 млрд беларускіх рублёў.
Як адзначылі ў Мінпрацы, многія хочуць скарыстацца сродкамі сямейнага капіталу датэрмінова, для гэтага ўжо было пададзена 101 650 заяў.
Больш як у 81 тыс выпадкаў гэтыя сродкі неабходны сем’ям для вырашэння жыллёвага пытання. Больш за 11 тыс шматдзетных сямей падалі заяву на датэрміновае распараджэнне сродкамі сямейнага капіталу, каб аплаціць медыцынскія паслугі.
Больш за 9 тыс шматдзетных сямей гэтыя сродкі спатрэбіліся для аплаты навучання.
У профільным ведамстве таксама паведамілі, што да 31 студзеня на афіцыйным сайце міністэрства будзе апублікавана інфармацыя аб новым памеры сямейнага капіталу на бягучы год. У 2025-м яго памер складаў 33 275 рублёў.
Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь, чытайце нас у Дзэн, а таксама сачыце за намі ў сацсетках "Одноклассники" і "ВКонтакте"