МІНСК, 14 сту – Sputnik. Падраздзяленні групоўкі войск "Поўнач" падчас актыўных і рашучых дзеянняў вызвалілі населены пункт Камароўка Сумскай вобласці, паведамілі ў міністэрстве абароны Расіі.
"Падраздзяленні групоўкі войск "Поўнач" у выніку актыўных і рашучых дзеянняў вызвалілі населены пункт Камароўка Сумскай вобласці", - гаворыцца ў паведамленні.
Як удакладнілі ў ведамстве, за мінулыя суткі ў зоне дзеяння групоўкі ўкраінскі бок страціў да 190 ваенных. Былі выведзены са строю дзве баявыя браніраваныя машыны, 16 адзінак аўтамабільнай тэхнікі і дзве артылерыйскія гарматы. Акрамя таго, знішчаны склад з гаручым і тры склады матэрыяльна-тэхнічнага забеспячэння.
У Мінабароны адзначылі, што ў рамках СВА аператыўна-тактычная авіяцыя, ракетныя войскі, артылерыя і ўдарныя беспілотнікі нанеслі ўдары па аб’ектах, звязаных з выкарыстаннем дальнабойных БПЛА, у тым ліку па месцах іх захоўвання і падрыхтоўкі да вылету. Таксама знішчаны паліўныя сховішчы і энергетычная інфраструктура, задзейнічаная ў рабоце прадпрыемстваў украінскага ваенна-прамысловага комплексу.
Акрамя таго, удары былі нанесены па пунктах часовага размяшчэння падраздзяленняў УСУ і замежных наёмнікаў у 145 раёнах.
Сродкі супрацьпаветранай абароны за суткі перахапілі і знішчылі сем кіруемых авіябомб, шэсць рэактыўных снарадаў сістэмы залпавага агню HIMARS амерыканскай вытворчасці, а таксама 260 беспілотнікаў самалётнага тыпу.
Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь, чытайце нас у Дзэн, а таксама сачыце за намі ў сацсетках "Одноклассники" і "ВКонтакте"