МІНСК, 18 сту – Sputnik. Традыцыйнае акунанне ў палонку і абліванне ледзяной вадой на Вадохрышча могуць мець сумныя наступствы для людзей, у якіх ёсць хранічныя захворванні і якія не маюць адпаведнай падрыхтоўкі, папярэдзіў загадчык 11-й падстанцыі Мінскай гарадской станцыі хуткай медыцынскай дапамогі Яўген Юдакоў.
"Калі доктар вам забараніў ці вы па сваіх адчуваннях і стане здароўя баіцеся рызыкаваць, то можна гэты абрад правесці і дома, у тым ліку", - сказаў ён на прэс-канферэнцыі.
Прычым, адзначыў медык, зусім не абавязкова аблівацца ледзяной вадой – дастаткова проста халоднай. Аднак і ў тым, і ў іншым выпадку такая працэдура будзе бяспечнай толькі для здаровых людзей з адпаведнай падрыхтоўкай, падкрэсліў Юдакоў.
"Людзям, якія маюць нейкія хранічныя захворванні, асабліва сардэчна-сасудзістыя, захворванні нервовай, эндакрыннай сістэмы, варта вельмі добра падумаць", - папярэдзіў спецыяліст.
Ім лепш пракансультавацца са сваім урачом, які, напэўна, прапануе адмовіцца ад гэтага рытуалу, дадаў ён.
Вадохрышча, або Багаяўленне, адзначаецца праваслаўнай царквой 19 студзеня. У гэтае свята існуе традыцыя асвячаць вадаёмы, а па народнай традыцыі людзі трохразова апускаюцца ў высечаную ў выглядзе крыжа палонку – іардань.
Аб тым, дзе будуць арганізаваны вадохрышчанскія купанні ў Мінску і Мінскам раёне, глядзіце ў інфаграфіцы Sputnik.
Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь, чытайце нас у Дзэн, а таксама сачыце за намі ў сацсетках "Одноклассники" і "ВКонтакте"