МІНСК, 27 сту – Sputnik. Палітыкі некаторых краін пачынаюць люта ненавідзець Расію, як толькі аказваюцца ва ўладзе, заявіў прэс-сакратар расійскага прэзідэнта Дзмітрый Пяскоў.
Пры гэтым у размове з журналістамі прадстаўнік Крамля падкрэсліў, што сапраўдныя прычыны такога стаўлення невядомыя. Ён таксама рэкамендаваў не праводзіць паралелі з мінулым.
"Дэфіцыт сяброўскіх пачуццяў", паводле слоў Пяскова, з некаторымі краінамі захоўваецца на працягу стагоддзяў і замацаваўся гістарычна.
"Узяць хаця б Польшчу. З Польшчай у нас сапраўды праблемы. З Прыбалтыкай у нас сапраўды праблемы. Яны нас пастаянна чамусьці баяцца, нас дэманізуюць. Усе, хто прыходзіць там да ўлады, пачынаюць люта ненавідзець Расію і рускіх", - падкрэсліў Пяскоў.
Падобнае стаўленне да Расіі, рускіх людзей прэс-сакратар прэзідэнта РФ назваў вялікай памылкай.
"Гэта памылка, вялікая памылка, таму што з рускай культуры, з узаемадзеяння з Расіяй гэтыя краіны маглі б пачарпнуць вельмі шмат для сябе", - дадаў Пяскоў.
Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь, чытайце нас у Дзэн, а таксама сачыце за намі ў сацсетках "Одноклассники" і "ВКонтакте"