МІНСК, 12 лют – Sputnik. Вучэнні АДКБ "Непарушнае брацтва" і "Бар’ер" адбудуцца на беларускай тэрыторыі з 12 па 16 кастрычніка бягучага года, паведаміў журналістам падчас брыфінгу начальнік Аб’яднанага штаба АДКБ генерал-палкоўнік Андрэй Сердзюкоў.
"Непарушнае брацтва", як і раней, будзе прысвечана выкарыстанню міратворчых сіл Арганізацыі. "Бар’ер", у сваю чаргу, – спецыяльнае вучэнне для сумеснага фарміравання радыяцыйнай, хімічнай і біялагічнай абароны, а таксама медыкаў.
"У адпаведнасці з зацверджаным планам на бягучы год прадугледжана правядзенне 60 мерапрыемстваў сумеснай і аператыўнай падрыхтоўкі", - сказаў кіраўнік штаба.
Што тычыцца менавіта вучэнняў, што ўсяго іх будзе восем.
У Казахстане з 12 па 19 верасня пройдзе вучэнне Калектыўных сіл хуткага разгортвання "Рубеж". У Таджыкістане – спецвучэнні "Кобальт" (з 1 па 7 кастрычніка) і "Скала" (12-16 кастрычніка). У Расіі з 28 верасня па 3 кастрычніка адбудуцца: камандна-штабное вучэнне Калектыўных сіл аператыўнага рэагавання "Узаемадзеянне", спецвучэнне разведкі "Пошук", спецвучэнне па матэрыяльна-тэхнічным забеспячэнні "Эшалон".
Запланавана і стратэгічная камандна-штабная трэніроўка з удзелам Аб’яднанага штаба, Сакратарыята АДКБ, аператыўных груп, зацікаўленых міністэрстваў і ведамстваў краін-членаў. Яна пройдзе ўжо з 16 да 19 сакавіка.
Акрамя таго, генерал пералічыў прыярытэты старшынства ў АДКБ, якое перайшло да Расіі сёлета.
Першы прыярытэт – нарошчванне баявога патэнцыялу нацыянальных кантынгентаў, аснашчэнне іх сучаснымі ўзбраеннямі. Таксама прапануецца аптымізаваць аператыўнае разгортванне кааліцыйных груповак.
Яшчэ адзін прыярытэт – развіццё ваеннай авіяцыі і СПА. Прапануецца і ўдасканаліць кіраванне кампанентамі Калектыўных сіл.
Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь, чытайце нас у Дзэн, а таксама сачыце за намі ў сацсетках "Одноклассники" і "ВКонтакте"