МІНСК, 13 лют – Sputnik. Чарговы раўнд перагавораў Расіі, ЗША і Украіны пройдзе ў Жэневе, пра гэта паведаміў у пятніцу прэс-сакратар расійскага лідара Дзмітрый Пяскоў.
"Чарговы раўнд перагавораў па ўкраінскім урэгуляванні адбудзецца таксама ў трохбаковым расійска-амерыкана-ўкраінскім фармаце 17-18 лютага ў Жэневе", - сказаў Пяскоў.
Ён адзначыў, што расійскую дэлегацыю на перагаворах узначаліць памочнік прэзідэнта РФ Уладзімір Мядзінскі.
Раней шэраг СМІ паведамляў, што чарговы раўнд перагавораў можа прайсці ў Абу-Дабі ці Маямі.
Нагадаем, першы раўнд перагавораў прайшоў 23-24 студзеня, другі – 4 і 5 лютага. Пры гэтым спецпасланнік прэзідэнта ЗША Сціў Уіткаф заявіў, што ўдзельнікі трохбаковага перагаворнага працэсу вырашылі прадоўжыць кансультацыі ў бліжэйшыя тыдні.
Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь, чытайце нас у Дзэн, а таксама сачыце за намі ў сацсетках "Одноклассники" і "ВКонтакте"