МІНСК, 15 лют – Sputnik. Выказванні Уладзіміра Зяленскага на Мюнхенскай канферэнцыі па бяспецы ў адрас прэм’ер-міністра Венгрыі Віктара Орбана – гэта спроба пашырыць геаграфію канфлікту, уцягнуць як мага больш краін, заявіў Sputnik намеснік старшыні камісіі па міжнародных справах Палаты прадстаўнікоў Нацыянальнага сходу Беларусі, лідар Ліберальна-дэмакратычнай партыі Алег Гайдукевіч.
На думку Гайдукевіча, Зяленскі сказаў шмат недарэчных рэчаў на канферэнцыі – напрыклад, прапанаваў канфіскоўваць Еўропе расійскія танкеры, па-хамску выказаўся ў адрас Орбана.
"Ён не разумее, што Расія адкажа. Потым не Зяленскі будзе гэта расхлёбваць, а еўрапейскія лідары, якія пойдуць на незаконныя такія дзеянні. Расія адкажа вельмі жорстка. Што тычыцца Венгрыі, Зяленскаму варта было б памаўчаць. Ён увесь час нейкія выпады робіць, то ў адрас Аляксандра Лукашэнкі, то ў адрас Віктара Орбана. На самай справе народ Украіны марыць жыць як у Венгрыі, Беларусі", - сказаў ён.
Гайдукевіч падкрэсліў, што Зелянскаму няма чаго паказаць свайму народу, ён нічога добрага за гады свайго прэзідэнцтва не зрабіў і таму нагнятае сітуацыю.
Беларускі палітык удакладніў, што Украіна залежыць ад вялікіх дзяржаў, якія выдзяляюць ёй дапамогу.
"ЗША табе не дасць дапамогу, ЕС не дасць дапамогу – цябе няма. Зарплату нават не можаш выплаціць, пенсію, ваенных утрымліваць. Ты сам ні на што не здольны, а тут хаміш", - дадаў ён.
Па словах Гайдукевіча, улады Украіны ніяк не могуць зразумець, што яны не патрэбны ні ў ЕС, ні ў НАТА, адзіныя, хто за іх перажываюць – гэта Беларусь і Расія.
"У Зяленскага мара адна, каб Еўропа ваявала за Украіну. Ён бачыць шанс выжывання – пашырыць геаграфію канфлікту, каб уцягнуць як мага больш краін у гэты канфлікт. Таму прапануе танкеры расійскія канфіскоўваць, кажа, што трэба з Беларуссю разбірацца, Орбану хаміць. Гэта значыць гэта ўсё ад роспачы, разумеючы, што калі канфлікт не пашырыцца, ад Украіны нічога не застанецца", - рэзюміраваў ён.
Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь, чытайце нас у Дзэн, а таксама сачыце за намі ў сацсетках "Одноклассники" і "ВКонтакте"