МІНСК, 19 лют – Sputnik. Галоўны трэнер мінскага "Дынама" Дзмітрый Квартальнаў пракаменціраваў перамогу сваіх падапечных над маскоўскім "Спартаком" у дамашнім матчы рэгулярнага чэмпіянату Кантынентальнай хакейнай лігі (КХЛ), паведамляе Sputnik.
Напярэдадні "зубры" ўпэўнена абгулялі гасцей з Масквы на лёдзе "Мінск-Арэны" з лікам 6:1. У мінчан забітымі галамі вызначыліся Вадзім Мароз, Вадзім Шыпачоў, Тай Сміт, Віталь Пінчук, Данііл Ліпскі і Ксаўе Уэле.
"Я думаю, што большасць сёння вырашыла зыход матча. Першы перыяд быў цяжкім, шмат чаго не атрымлівалася. Але потым большасць спрацавала, стала лягчэй. Трэці перыяд добра згулялі", - сказаў галоўны трэнер, яго словы прыводзіць прэс-служба "зуброў".
Нападаючы "Дынама" Вадзім Шыпачоў у сваю чаргу растлумачыў, што камандзе трэба старацца выйграваць кожную гульню.
Ён таксама адзначыў гульню варатара "Дынама" Зака Фукале, які, паводле слоў гульца, вельмі дапамагаў палявым.
"Вядома, прыемна, калі забіваеш у большасці, калі дапамагаеш камандзе. Не заўсёды атрымліваецца, але сёння вельмі добра, што мы забілі і выйгралі", - дадаў форвард мінчан.
Пасля гэтага паядынку дынамаўцы адправяцца на выезд, у рамках якога 21 лютага згуляюць супраць яраслаўскага "Локомотива".
Затым выязная серыя працягнецца гульнёй супраць ніжагародскага "Торпедо" (23 лютага), а 25 і 27 лютага ім трэба будзе пазмагацца з ХК "Сочи".
Месца ў турнірнай табліцы
Пасля пераможнага матча ў актыве "Дынама" 75 ачкоў пасля 57 матчаў "рэгулярка". Каманда займае трэці радок у турнірнай табліцы Заходняй канферэнцыі лігі, на другім месцы размясцілася чарапавецкая "Северсталь", на рахунку якой 76 ачкоў, але пасля 58 паядынкаў.
Першае месца на Захадзе займае яраслаўскі "Локомотив". "Чыгуначнікі" зарабілі 81 бал пасля 58 сустрэч у рамках рэгулярнага чэмпіянату.
Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь, чытайце нас у Дзэн, а таксама сачыце за намі ў сацсетках "Одноклассники" і "ВКонтакте"