МІНСК, 21 лют – Sputnik. Кіраваць рыэлтарскімі канторамі і агенцтвамі нерухомасці ў Беларусі змогуць толькі асобы, якія здалі экзамен у Міністэрстве юстыцыі і атрымалі пасведчанне аб атэстацыі рыэлтара.
Гэта прадугледжана нормамі закона ад 14 кастрычніка 2022 года "Аб ліцэнзаванні", якія набудуць моц 16 мая бягучага года паведамляе агенцтва БелТА са спасылкай на Мінюст.
Такія ж патрабаванні аб атрыманні пасведчання ад атэстацыі рыэлтара распаўсюджваюцца і на намеснікаў кіраўнікоў рыэлтарскіх арганізацый.
У профільным ведамстве ўдакладнілі, што да ўступлення ў сілу змяненняў у заканадаўстве кіраўніцтву арганізацый, якія аказваюць рыэлтарскія паслугі, неабходна загадзя паклапаціцца аб упарадкаванні кадравага складу.
Калі кіраўнікі рыэлтарскіх кантор на гэты момант не з’яўляюцца атэставанымі спецыялістамі, каб прадоўжыць работу на сваіх пазіцыях, ім неабходна здаць экзамен у Мінюсце і атрымаць адпаведнае пасведчанне.
Такія іспыты праводзяцца на рэгулярнай аснове, у мінулым годзе атэстацыю прайшлі 348 чалавек, паведамілі ў ведамстве.
Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь, чытайце нас у Дзэн, а таксама сачыце за намі ў сацсетках "Одноклассники" і "ВКонтакте"