МІНСК, 24 лют – Sputnik. Беларускі прэзідэнт Аляксандр Лукашэнка ад сябе асабіста і ад усіх беларусаў павіншаваў народ Эстоніі з Днём Незалежнасці, паведаміла прэс-служба кіраўніка дзяржавы.
Паводле слоў беларускага лідара, сёння, калі свет сутыкнуўся з мноствам сур’ёзных праблем, народам важна разумець сваё месца ў гісторыі цывілізацыі і бачыць перспектывы для развіцця.
"Беларусь у гэтым сэнсе заўсёды была і застаецца прыхільніцай канструктыўнага супрацоўніцтва паміж краінамі на прынцыпах даверу, партнёрства і ўзаемнай павагі для лепшай будучыні нашчадкаў", - адзначыў прэзідэнт.
Лукашэнка таксама ўпэўнен, што на шляху аднаўлення эканамічных і гуманітарных кантактаў, беларусы і эстонцы пераадолеюць любыя цяжкасці і штучныя перашкоды, незалежна ад каго яны зыходзяць.
Кіраўнік беларускай дзяржавы пажадаў народу Эстоніі шчасця, міру і дабрабыту.
Дзень незалежнасці Эстоніі з’яўляецца дзяржаўным святам і адзначаецца штогод 24 лютага ў гонар прыняцця ў Таліне Дэкларацыі аб незалежнасці Эстоніі ў 1918 годзе. Гэты дзень прынята лічыць датай стварэння Эстонскай Рэспублікі.
Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь, чытайце нас у Дзэн, а таксама сачыце за намі ў сацсетках "Одноклассники" і "ВКонтакте"