МІНСК, 24 лют – Sputnik. Прэтэнзіі Кіева на валоданне ядзернай зброяй, якія агучыў Уладзімір Зяленскі ў лютым 2022 года на Мюнхенскай канферэнцыі па бяспецы, выклікалі ў Масквы сур’ёзную занепакоенасць, аб гэтым заявіла афіцыйны прадстаўнік МЗС РФ Марыя Захарава.
Паводле яе слоў, прэтэнзіі Кіева стваралі рэальныя рызыкі для Расіі і стратэгічнай стабільнасці ў цэлым.
"Такім чынам, былі разбураны тры галоўныя асновы ўкраінскай дзяржаўнасці – нейтральны, пазаблокавы і бяз’ядзерны статус, якія забяспечылі яе міжнароднае прызнанне ў пачатку 1990-х гадоў", - растлумачыла дыпламат.
Прадстаўнік МЗС падкрэсліла, што Расія вядзе дыялог з усімі зацікаўленымі партнёрамі адносна стварэння сістэмы роўнай і непадзельнай еўразійскай бяспекі. Вырашэнне ўкраінскага крызісу, якое ўлічвае інтарэсы Масквы, унясе ўклад у стварэнне такой сістэмы.
Захарава звярнула ўвагу, што нацыянал-радыкалы, якія захапілі ўладу ў Кіеве 12 гадоў таму, гвалтоўна насаджаюць украінскаму народу парадкі, заснаваныя на ідэалогіі агрэсіўнага нацыяналізму. Была разгорнута маштабная антырасійская і антыруская прапагандысцкая кампанія.
Усё гэта адбываецца пры маўклівай падтрымцы Захаду.
Кіеўскі рэжым развязаў вайну па знішчэнні мірных жыхароў Данбаса і Новаросіі, якія не здрадзілі роднай гісторыі і культуре,і не прынялі дыктатуру "пераможцаў майдана".
Спецаперацыя, акрамя іншага, выявіла планы заходняга лагера навязаць міжнароднай супольнасці "мірапарадак, заснаваны на правілах", адзінай мэтай якога з’яўляецца забеспячэнне і падтрыманне гегемоніі Захаду". Гэтаму перашкаджалі законныя інтарэсы бяспекі Расіі і яе саюзнікаў.
"Сёння многім, у тым ліку на Захадзе, стала відавочна недасканаласць і нерэалістычнасць іх геапалітычнай задумы", - падкрэсліла дыпламат.
Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь, чытайце нас у Дзэн, а таксама сачыце за намі ў сацсетках "Одноклассники" і "ВКонтакте"