Ніжагародская вобласць – адзін з ключавых эканамічных партнёраў Беларусі сярод расійскіх рэгіёнаў. Высокі тэхналагічны і прамысловы патэнцыял дазваляе партнёрам рэалізоўваць цэлы шэраг сумесных праектаў, у тым ліку і імпартазамяшчальных – у галіне машынабудавання, станкабудавання і нават вытворчасці суднаў класа рака-мора. Бакі зацікаўлены ў павелічэнні ўзаемных паставак прадукцыі, развіцці ўнутранага турызму, гуманітарных і патрыятычных праектах.
У рамках XII Форуму рэгіёнаў Расіі і Беларусі, які прайшоў у Ніжнім Ноўгарадзе ў чэрвені 2025 года, адбылося ўрачыстае адкрыццё генеральнага консульства Рэспублікі Беларусь.
Цырымонія прайшла з удзелам старшыні Савета Федэрацыі Федэральнага Сходу РФ Валянціны Мацвіенкі, старшыні Савета Рэспублікі Нацыянальнага сходу Рэспублікі Беларусь Наталлі Качанавай, губернатара Ніжагародскай вобласці Глеба Нікіціна.
Гэтымі днямі ў Беларусі знаходзілася з візітам афіцыйная дэлегацыя Ніжагародскай вобласці. У ходзе візіту абмяркоўваліся пытанні ўзаемадзеяння ў галіне машынабудавання, станкабудавання, адукацыі.
Якія дамоўленасці з беларускімі партнёрамі былі дасягнуты падчас візіту дэлегацыі Ніжагародскай вобласці? Чаму сёння важна сумесна рыхтаваць прафесійныя кадры? На гэтыя і іншыя пытанні адказвалі ўдзельнікі прэс-канферэнцыі.
Удзельнікі:
кіраўнік прадстаўніцтва Ніжагародскай вобласці ў Беларусі Андрэй ДУДКІН;
дырэктар АНА "Нижегородский научно-образовательный центр" Аляксандр ТАРАСЕНКА;
дырэктар адукацыйна-навуковага інстытута прамысловых тэхналогій машынабудавання Ніжагародскага дзяржаўнага тэхнічнага ўніверсітэта імя Р.Я. Аляксеева Сяргей МАНЦЭРАЎ;
дырэктар па развіцці ТАА "ПКФ "БК-Студия" Сяргей КУПЦОЎ.
Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь, чытайце нас у Дзэн, а таксама сачыце за намі ў сацсетках "Одноклассники" і "ВКонтакте"