Фотафакт: беларускія паралімпійцы вярнуліся ў Мінск

МІНСК, 17 сак – Sputnik. Беларускія спартсмены, якія бралі ўдзел у XIV Зімовых Паралімпійскіх гульнях у Італіі, вярнуліся ў Беларусь, перадае карэспандэнт Sputnik.

Зімовыя Паралімпійскія гульні 2026 года праходзілі з 6 па 15 сакавіка ў двух італьянскіх гарадах – Мілане і Карціне-д’Ампеца.

Увечары ў аўторак беларускія паралімпійцы прыбылі ў Нацыянальны аэрапорт Мінск.

Адразу пасля прылёту Раман Свірыдзенка, Лідзія Лобан, Валянціна Бірыла і Дар’я Фядзьковіч сустрэліся з роднымі, сябрамі і балельшчыкамі, якія ўжо чакалі іх у аэрапорце з кветкамі і яркімі плакатамі.

Павіншаваць беларусаў з дастойным вынікам прыехалі міністр працы і сацабароны Андрэй Лабовіч і намеснік міністра спорту Аляксандр Баравуля.

На гэтай Паралімпіядзе беларусы ўпершыню за некалькі гадоў выступалі не ў нейтральным статусе, а з нацыянальным флагам і гімнам.

Беларуская каманда вярнулася з Гульняў з залатым і сярэбраным медалямі.

Іх у спаборніцтвах па лыжным інваспорце заваяваў Раман Свірыдзенка. Ён стаў пераможцам у спрынце і заняў другое месца ў індывідуальнай гонцы з раздзельным стартам.