МІНСК, 20 сак – Sputnik. Будаўнічы комплекс Беларусі на працягу апошняй пяцігодкі спрацаваў паспяхова, заявіў падчас прэс-канферэнцыі старшыня Рэспубліканскага Саюза будаўнікоў Анатоль Нічкасаў.
Ён адзначыў, што галоўная сацыяльная задача для будаўнічага комплексу – узводзіць жыллёвую, вытворчую і сацыяльную інфраструктуру для грамадзян Беларусі, займацца пытаннямі добраўпарадкавання.
"Будаўнічы комплекс на працягу апошняй пяцігодкі спрацаваў даволі паспяхова. Выкананы ўсе паказчыкі, якія былі даведзены ўрадам у будаўніцтве жылля – гэта без малога 22 млн кв. м", - сказаў Нічкасаў.
Ён звярнуў увагу на тое, што ўвядзенне ў эксплуатацыю БелАЭС дае магчымасць разлічваць на рост спажывання электраэнергіі ў жылым фондзе.
Па словах Нічкасава, раней гэты паказчык быў абмежаваны, але цяпер пры адпаведным абгрунтаванні і пры наяўнасці праектных рашэнняў узводзіцца жыллё з электразабеспячэннем для цёплага водазабеспячэння і ацяплення.
"Ёсць варыяцыі рашэння гэтых задач: або з дапамогай электракатлоў, якія ў бойлерах грэюць ваду (як правіла, выкарыстоўваецца для кварталаў або асобных дамоў), або літаральна пакватэрнае электрычнае ацяпленне", - дадаў ён.
Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь, MAX і Viber, чытайце нас у Дзэн, а таксама сачыце за намі ў сацсетках "Одноклассники" і "ВКонтакте"