МІНСК, 2 кра – Sputnik. Міністр замежных спраў РФ Сяргей Лаўроў павіншаваў кіраўніка беларускага МЗС Максіма Рыжанкова з Днём яднання народаў Беларусі і Расіі.
"Гэтае свята сімвалізуе непарушную дружбу, спрадвечную культурна-духоўную агульнасць і непарыўнасць лёсаў расіян і беларусаў", - гаворыцца ў віншаванні.
Лаўроў таксама дадаў, што брацкія народы разам спраўляліся з усімі выпрабаваннямі, самааддана адстойваючы суверэнітэт і абараняючы адзіныя традыцыйныя каштоўнасці.
У пасланні кіраўнік МЗС Расіі пацвердзіў рашучасць разам з беларускім знешнепалітычным ведамствам адстойваць агульныя інтарэсы дзвюх краін і папулярызаваць сумесныя ініцыятывы на сусветным узроўні.
Таксама гаворыцца пра нязменныя прыярытэты ў рабоце абодвух ведамстваў – падтрымку супрацоўніцтва дзвюх краін і дыпламатычнае суправаджэнне інтэграцыйнага будаўніцтва СД.
Дзень яднання народаў Беларусі і Расіі адзначаецца штогод 2 красавіка. У гэты дзень у 1996 годзе быў падпісаны дагавор аб стварэнні Супольнасці дзвюх краін.
Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь, MAX і Viber, чытайце нас у Дзэн, а таксама сачыце за намі ў сацсетках "Одноклассники" і "ВКонтакте"