МІНСК, 6 кра – Sputnik. Украінскія беспілотнікі ў ноч на панядзелак атакавалі аб’екты нафтавага тэрмінала ў порце Новарасійска, пра гэта паведаміла прэс-служба Мінабароны Расіі.
Абароннае ведамства адзначае, што атака беспілотнікамі самалётнага тыпу была спланавана з мэтай дэстабілізацыі сусветнага рынку вуглевадародаў і спынення паставак нафты спажыўцам у Еўропе.
"Кіеўскім рэжымам былі наўмысна атакаваны аб’екты міжнароднай нафтатранспартнай кампаніі "Каспийский трубопроводный консорциум" для нанясення максімальнага эканамічнага ўрону яе найбуйнейшым акцыянерам: энергетычным кампаніям з ЗША і Казахстана", - гаворыцца ў паведамленні.
Паводле інфармацыі Мінабароны, у выніку ўдараў пашкоджаны трубаправод прычальнай прылады, наліўное абсталяванне. На чатырох рэзервуарах з нафтапрадуктамі адбылося ўзгаранне.
Удакладняецца таксама, што ўкраінскія беспілотнікі сёння ноччу атакавалі і гарадскую інфраструктуру Новарасійска – шматкватэрныя і прыватныя дамы, у выніку чаго раненні атрымалі грамадзяне, у тым ліку і дзеці.
"Каспийский трубопроводный консорциум" (КТК) – нафтатранспартная кампанія з удзелам нафтаздабываючых арганізацый у тым ліку з Расіі, Казахстана і ЗША, усяго сямі краін. Адны з найбуйнейшых акцыянераў КТК амерыканскія Chevron і Mobil.
Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь, MAX і Viber, чытайце нас у Дзэн, а таксама сачыце за намі ў сацсетках "Одноклассники" і "ВКонтакте"