У Вялікую суботу праваслаўныя храмы традыцыйна напаўняюцца прыхаджанамі, і мінскі храм-помнік Усіх Святых не стаў выключэннем. Нягледзячы на пахмурнае надвор’е, вернікі ўсіх узростаў – ад сямейных пар разам з малымі да пажылых людзей – прыйшлі ў царкву, каб асвяціць кулічы і яйкі, сабраныя ў святочныя кошыкі.
Многія пасля асвячэння святочных пачастункаў падыходзілі да свяшчэннікаў за благаслаўленнем, запальвалі свечкі і маліліся напярэдадні Светлага Вялікадня.
Усіхсвяцкі храм-помнік у Мінску з’яўляецца самым высокім праваслаўным храмам на постсавецкай прасторы – яго вышыня з крыжом дасягае 74 м. Ён быў узведзены ў памяць аб загінулых за Айчыну. У крыпце храма захоўваецца зямля з палёў бітваў, а яго шатровая архітэктура сімвалізуе вобраз Божай Маці.
Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь, MAX і Viber, чытайце нас у Дзэн, а таксама сачыце за намі ў сацсетках "Одноклассники" і "ВКонтакте"