Выратаваў хлопчыка з гета: беларус пасмяротна прызнаны Праведнікам свету

МІНСК, 14 кра – Sputnik. Званне Праведніка свету прысвоена пасмяротна беларускаму ўрачу, мінчаніну Міхаілу Міхайлавічу Уладысіку, які ў ваенныя гады выратаваў ад смерці яўрэйскага хлопчыка.

Медаль у Беларускім дзяржаўным музеі гісторыі Вялікай Айчыннай вайны ўручыў Часовы павераны Дзяржавы Ізраіль у Беларусі Цві Міркін яго сваяку – Віктару Шадурскаму, перадае карэспандэнт Sputnik.

Часовы павераны Дзяржавы Ізраіль у Беларусі Цві Міркін уручыў медаль Праведніка свету Міхаіла Уладысіка яго сваяку Віктару Шадурскаму

27 Нісана па яўрэйскім календары, які сёлета прыпадае на 14 красавіка, па ўсім Ізраілі праходзяць жалобныя цырымоніі, прысвечаныя памяці аб 6 мільёнах яўрэяў, якія загінулі ў гады Другой Сусветнай вайны.

Па традыцыі ўручаюцца і медалі Праведнікаў свету сваякам тых, хто ратаваў яўрэяў – дзяцей і дарослых на акупіраванай тэрыторыі.

Жалобная цырымонія, прысвечаная памяці аб 6 мільёнах яўрэяў, якія загінулі ў гады Другой Сусветнай вайны

Праведнікам Міра пасмяротна прызнаны Міхаіл Уладысік, які выратаваў яўрэйскага хлопчыка Якава Сідамана з Мінскага гета, размова ідзе аб карнай аперацыі па знішчэнні яўрэяў у Мінску 2 сакавіка 1942 года, якая звалася "Пурымскі карнавал".

Міхаіл Уладысік змог падрыхтаваць падробленыя дакументы на іншае прозвішча і хлопчыка ўдалося выратаваць ад смерці.

Віктар Шадурскі, які з’яўляецца навуковым супрацоўнікам дзяржаўнага музея гісторыі ВАВ, расказаў Sputnik аб тым, што яго сваяк, мінскі ўрач Міхаіл Міхайлавіч у гады вайны выратаваў вялікую колькасць людзей.

Навуковы супрацоўнік дзяржаўнага Музея гісторыі ВАВ Віктар Шадурскі

"На жаль, не змог выратаваць сваю сям’ю. Яго жонка Тамара і васьмігадовы сын Ігар былі расстраляны ў 1944 годзе, не дачакаўшыся вызвалення. І ён ненадоўга перажыў іх, абсалютна сівы, 40 гадоў. Ён захварэў і памёр у 1948 годзе. І на яго пахаванні прысутнічалі сотні. І сённяшняе мерапрыемства – гэта невялікая цаглінка, фундамент захавання памяці аб героях і ахвярах той вайны", - сказаў Шадурскі.

Медаль Праведніка свету Міхаіла Уладысіка, які ўручыў ізраільскі дыпламат, будзе перададзены на захоўванне ў Музей гісторыі Вялікай Айчыннай вайны.

Музей гісторыі Вялікай Айчыннай вайны

"Сёння быў адзначаны яшчэ адзін выпадак гераізму. Гераізм беспрэцэдэнтны. Таму што ўсе, хто дапамагаў яўрэям у гады Халакосту, здзяйснялі беспрэцэдэнтны гераізм. Таму што гэта была смяротная рызыка. І я вельмі рад, што мне выпаў гонар уручыць сёння гэты медаль", - сказаў часовы павераны ў справах Ізраіля ў Беларусі.

Падчас цырымоніі ўручэння Медалі Праведніка былі па традыцыі запалены шэсць свечак

Падчас цырымоніі ўручэння Медаля Праведніка былі па традыцыі запалены шэсць свечак – па адной свечцы за 1 мільён знішчаных яўрэяў у гады Другой сусветнай вайны.

Свечку ад імя Ізраіля запаліў Часовы павераны, ад імя вязняў гета – былы вязень Мінскага гета Уладзімір Лазарэвіч Трахтэнберг, свечку ў памяць аб сумеснай барацьбе з нацыстамі беларускага і яўрэйскага народаў – намеснік упаўнаважанага па справах рэлігій і нацыянальнасцей Сяргей Герасіменя.

Былы вязень Мінскага гета Уладзімір Лазарэвіч Трахтэнберг (справа)

Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь, MAX і Viber, чытайце нас у Дзэн, а таксама сачыце за намі ў сацсетках "Одноклассники" і "ВКонтакте"