На сцэне Дзяржаўнага Крамлёўскага палаца ў Маскве сёння праходзіць Міжнародны музычны фестываль "Дорога на Ялту". У праграме – вядомыя песні пра Вялікую Айчынную вайну, якія выканаюць на розных мовах свету.
Галоўная мэта фестывалю – захаванне гістарычнай памяці аб трагічных падзеях 1941–1945 гадоў і напамін аб цане Перамогі над фашызмам.
Ідэя фестывалю належыць яго стваральнікам – прэзідэнту Андрэю Кандрашову і мастацкаму кіраўніку Эрнэсту Мацкявічусу. Штогод яе ўвасабляюць дзясяткі ўдзельнікаў з розных краін, якія прыязджаюць у Маскву, каб праспяваць аб вайне на роднай мове.
Рэпертуар выканаўцаў абнаўляецца, але ёсць песні, якія гучаць на фестывалі штогод: "Темная ночь" – менавіта з яе некалі пачынаўся праект, "Смуглянка" і, вядома, "День Победы", якую ў фінале нязменна спяваюць усёй залай.
Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь, MAX і Viber, чытайце нас у Дзэн, а таксама сачыце за намі ў сацсетках "Одноклассники" і "ВКонтакте"