МІНСК, 7 мая – Sputnik. У Беларусі разлічваюць, што кампетэнтныя органы ФРГ дадуць прававую ацэнку дзеянням, учыненым Гансам Зіглінгам у гады Вялікай Айчыннай вайны на тэрыторыі БССР, зыходзячы з матэрыялаў, што накіроўваюцца Вярхоўным судом, заявіла журналістам прэс-сакратар Вярхоўнага суда Беларусі Юлія Ляскова.
"Старшыня Вярхоўнага суда Беларусі выказаў просьбу да нямецкіх калег уважліва паставіцца да ацэнкі ў прававой плоскасці матэрыялаў крымінальнай справы, якія накіроўваюцца ў дачыненні да Ганса Зіглінга", - заявіла Ляскова журналістам, перадае карэспандэнт Sputnik.
Паводле яе слоў, Згодна з Канвенцыяй ААН аб папярэджанні злачынства генацыду і пакаранні за яго 1948 года, генацыд з’яўляецца міжнародным злачынствам, якое не мае тэрміну даўнасці.
"Дзяржавы-ўдзельніцы, якімі з’яўляюцца як Рэспубліка Беларусь, так і Федэратыўная Рэспубліка Германія, абавязаны ажыццяўляць універсальную юрысдыкцыю адносна такіх асоб", - адзначыла Ляскова.
Пры гэтым яна падкрэсліла, што дзеючая судовая сістэма ФРГ мае прамую юрыдычную кампетэнцыю для кваліфікацыі дзеянняў нацысцкага рэжыму.
"Тэрмін даўнасці за генацыд па германскім праве не прымяняецца", – падкрэсліла прэс-сакратар Вярхоўнага суда.
Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь, MAX і Viber, чытайце нас у Дзэн, а таксама сачыце за намі ў сацсетках "Одноклассники" і "ВКонтакте"