МІНСК, 18 ліп — Sputnik. Больш за ўсё адкрытых вакансій у сталіцы сярод спецыялістаў — на пасады медыцынскіх работнікаў, адпаведная інфармацыя размешчана на сайце Мінгарвыканкама.
Усяго на 1 ліпеня ў базе дадзеных службы налічвалася 8266 вакансій, з іх 3703 прызначаны для рабочых. Сярод спецыялістаў найбольш запатрабаваныя медсёстры (897 вакансій) і лекары (509 вакансій). Таксама гораду не хапае дырэктараў.
З рабочых спецыяльнасцяў самая запатрабаваная — кухар (236 вакансій), таксама гораду трэба 219 прыбіральшчыкаў, 183 арматуршчыкi і 168 цесляроў.
З пачатку года служба занятасці знайшла працу амаль сямі тысячам грамадзян, яшчэ больш за 700 чалавек былі накіраваны на навучанне па запатрабаваных спецыяльнасцях.
У першым паўгоддзі дапамогу па беспрацоўі ў сталіцы атрымлівалі амаль дзесяць тысяч чалавек.
