“Левіафан” не праваліўся ў амерыканскім пракаце

© Photo : Пресс-служба "Нон-Стоп Продакшн" / Перайсці ў медыябанкКадры з фільма "Левіафан" рэжысера А. Звягінцава
Кадры з фільма Левіафан рэжысера А. Звягінцава - Sputnik Беларусь
Падпісацца
Касавыя зборы ў ЗША склалі каля мільёна долараў супраць 1,3 мільёна ў Расіі.

МІНСК, 18 сак- Sputnik.Фільм расійскага рэжысёра Андрэя Звягінцава “Левіафан” сабраў у амерыканскім пракаце каля мільёна долараў, паведамляе агенцтва РІА Навіны.

Касавыя зборы фільма ў Расіі склалі каля 1,3 мільёна долараў за адзін месяц. У амерыканскім пракаце “Левіафан” знаходзіцца з 25 снежня мінулага года. Да выхаду фільма на айчынныя экраны, у сувязі з яго уцечкай у інтэрнэт, быў створаны адмысловы сайт, дзе любы мог пералічыць грошы на карысць стваральнікаў карціны. У выніку, па дадзеных агенцтва, было сабрана каля пяці тысяч долараў, якія будуць накіраваны на дабрачыннасць.

Фільм “Левіафан”, які апавядае пра нялёгкі лёс жыхароў расійскай глыбінкі, сабраў значную колькасць кінапрэмій. У прыватнасці, карціна заваявала Гран-пры 58-га Лонданскага кінафестывалю, Гран-пры фестывалю ў Мюнхене, галоўны прыз кінафестывалю ў сербскім Палічы, Гран-пры фестывалю ў Егіпце, а таксама прэмію “Залаты глобус”. Фільм прэтэндаваў на прэмію “Оскар”, але ў выніку прыз за лепшы замежны фільм атрымала польская стужка “Іда” пра Халакост.

 

Стужка навiн
0