МІНСК, 3 вер — Sputnik. Вядомы расійскі оперны выканаўца Дзмітрый Хварастоўскі вяртаецца на сцэну — у верасні і пачатку кастрычніка ён плануе выступіць у трох спектаклях ў нью-ёркскім Метрапалітэн-опера, пра гэта барытон паведаміў на сваёй старонцы ў Facebook.
У Хварастоўскага дыягнаставалі пухліну мозгу ў чэрвені бягучага года. З-за хваробы спеваку прыйшлося адмяніць усе выступленні да верасня.
"Пасля працяглага курсу працэдур спадзяюся ў гэтым месяцы прыняць удзел у трох спектаклях" "Трубадур" у "Метрапалітэн-опера" — 25, 29 верасня і 3 кастрычніка", — напісаў выканаўца.
Раней жонка спевака паведаміла, што Хварастоўскі 13 жніўня скончыў курс прамянёвай тэрапіі, якую ён праходзіў у лонданскай клініцы Royal Marsden.
Барытон павінен выступіць у Мінску 5 лістапада, у цяперашні час не вядома, ці адбудзецца канцэрт.
