Будынак Музея ВАВ прызнаны лепшым архітэктурным праектам

© Sputnik / Виктор ТолочкоМузей Вялікай Айчыннай Вайны.
Музей Вялікай Айчыннай Вайны. - Sputnik Беларусь
Падпісацца
Аўтар праектаў Нацыянальнай бібліятэкі і чыгуначнага вакзала Віктар Крамарэнка атрымаў чарговую ўзнагароду.

МІНСК, 7 вер — Sputnik. Новы будынак музея Вялікай Айчыннай вайны ў Мінску быў прызнаны лепшым архітэктурным праектам XI Нацыянальнага фестывалю "Мінск-2015", паведамілі Sputnik у Беларускім саюзе архітэктараў, які выступае сузаснавальнікам конкурсу.

Гран-пры фестывалю быў уручаны Віктару Крамарэнка, яго архітэктурная майстэрня распрацоўвала праект будынка музея на скрыжаванні праспектаў Пераможцаў і Машэрава ў Мінску. Крамарэнка таксама з'яўляецца аўтарам архітэктурных праектаў Нацыянальнай бібліятэкі і мінскага чыгуначнага вакзала.

Будаўніцтва комплексу Музея ВАВ пачалося вясной 2010 года і было завершана летам 2014-га. Кошт праекта ацэньвалася ў 108 мільярдаў рублёў у цэнах 2006 года (больш за 50 мільёнаў даляраў ЗША).

Упершыню лаўрэатамі Мінскага міжнароднага біенале маладых архітэктараў "Леанарда", вынікі якога падводзяцца напярэдадні нацыянальнага архітэктурнага фестывалю, сталі прадстаўнікі Беларусі Таццяна Кескевіч і Яўген Ляшук — журы адзначыла іх праект "Жылая хата ў вёсцы Хадасы, Жабінкаўскага раёна Брэсцкай вобласці".

Прафесійная частка фестывалю завяршылася ў мінулыя выходныя, аднак экспазіцыі і выставы, размешчаныя ў Верхнім горадзе беларускай сталіцы, будуць адкрыты для наведвальнікаў да 14 верасня.

Стужка навiн
0