14:23 17 ліпеня 2018
«Радыё Sputnik»
  • USD1.98
  • EUR2.32
  • 100 RUB3.17
Медаль, які выдаецца нобелеўскаму лаўрэату

Для Беларусі прэмія Алексіевіч – першая, для беларусаў – не

CC BY 2.0 / Adam Baker / Nobel Prize Medal in Chemistry
Культура
Атрымаць кароткую спасылку
Нобелеўская перамога Святланы Алексіевіч (19)
18210

Ураджэнцы Беларусі ўжо атрымлівалі Нобелеўскую прэмію ў розных галінах.

МІНСК, 8 кас — Sputnik. Сярод лаўрэатаў Нобелеўскай прэміі — шмат беларусаў, да такой высновы прыйшлі Эмануіл Ёфэ і Жана Мазец ў сваёй кнізе "Нобелеўскія лаўрэаты з беларускімі каранямі".

Святлана Алексіевіч стала першай грамадзянкай Беларусі, якая атрымала Нобелеўскую прэмію. Пра гэта стала вядома ў чацвер.

Ураджэнец Беларусі Сайман Каваль эміграваў у ЗША у 21 год, а ў 1971-м годзе атрымаў "Нобелеўскую прэмію" за свае даследаванні эканомікі. Ён увёў у навуковы абарот тэрмін "валавы нацыянальны прадукт" і патлумачыў ролю "чалавечага капіталу".

Ураджэнец Віцебска, акадэмік Расійскай акадэміі навук Жарэс Алфёраў атрымаў прэмію ў 2000 годзе за распрацоўку паўправадніковых гетэраструктур, стварэнне хуткіх опта- і мікраэлектронных кампанентаў. Яго распрацоўкі выкарыстоўваюцца ў паўсядзённым жыцці многімі з нас.

Нобелеўскую прэмію міру атрымлівалі двое ураджэнцаў Беларусі, і абодва пасля — грамадзяне Ізраіля. Першым стаў прэм'ер-міністр Ізраіля Менахем Бегін, які нарадзіўся ў Брэсце. У 1994 годзе прэмію атрымаў ураджэнец Валожынскага раёна Шымон Перэс.

Многія з лаўрэатаў прэміі па фізіцы таксама маюць беларускія карані. Скажам, адзін з бацькоў атамнай бомбы Рычард Фейнман, даследчык тэрмадынамікі Ілля Прыгожын і шэраг іншых.

Вядома, у большасці з "беларускіх лаўрэатаў" былі ўсяго толькі далёкія сваякі з нашых тэрыторый, але і сярод тых, хто нарадзіўся ў Беларусі ёсць лаўрэаты прэстыжнай прэміі.

Тэмы:
Нобелеўская перамога Святланы Алексіевіч (19)
Тэги:
Узнагароды і прэміі, Нобелеўская прэмія, Беларусь, Еўропа, Увесь свет
Правілы карыстанняКаментары

Галоўныя тэмы