Далі і Пікаса вачыма беларускіх мастакоў

© Sputnik / Юлія ХвошчАдкрыццё выставы "Прывітанне, Пікаса, віват, Барселона"
Адкрыццё выставы Прывітанне, Пікаса, віват, Барселона - Sputnik Беларусь
Падпісацца
Выстава “Privet Picasso & Viva la Barcelona!” Ірыны і Анатоля Кузняцовых адкрылася ў Цэнтры сучасных мастацтваў.
МІНСК, 16 кас — Sputnik. Творы знакамітых іспанскіх мастакоў Далі, Пікаса, Гаўдзі, Міро, Тапіеса прадстаўлены ў выглядзе арт-аб'ектаў, разам яны ўяўляюць сабой своеасаблівы творчы кругазварот.
Урачыстае адкрыццё выставы адбылося ў па-сапраўднаму іспанскай атмасферы — вучаніцы школы "Магія танцу" ў іспанскіх касцюмах выканвалі нацыянальныя іспанскія танцы пад гукі жывой гітары ў выкананні Яна Клапоцкага, на праектары паказвалі фота Барселоны.
Мастачка Ірына Кузняцова - Sputnik Беларусь
Кузняцова: у сапраўднага мастацтва няма нацыянальнасці
Мерапрыемства наведалі прадстаўнікі культуры і мастацтва, калегі і сябры мастакоў, каб павіншаваць Кузняцовых з адкрыццём выставы.
Звычайна чалавек, які прыязджае ў краіну пакідае для сябе ўражанне ў якасці фотаздымкаў, а калі мастак прыязджае ў краіну, то гэтыя яго ўражанні, гэтыя яго асацыяцыі, у гэта яго ў нейкія фантазіі на тэму краіны. Фантазіі Кузняцовых адбіліся ў арт-праектах — у жывапісу, у шкле, іншых матэрыялах.
"Віват Пікаса, віват Барселона, віват Гаўдзі — словы, якія сапраўды рвуцца з душы, калі ты ідзеш на зямлю сонечнай Іспаніі. Я разумею сваіх паважаных калег, нашых сяброў таму што той, хто быў у Іспаніі, той хто быў у Барселоне, ён ніколі не зможа забыць гэтыя пачуцці і гэтыя эмоцыі", — звярнуўся з прадмовай да гасцей першы намеснік Беларускага саюза мастакоў Алесь Дранец.
Часу для падрыхтоўкі выставы было вельмі мала. Рыхтаваць экспазіцыю мастакам дапамагалі сябры, дзеці распісвалі сцены.
"Энергія Іспаніі, энергія Барселоны заключаецца ў агульны кругазварот энергіі, таму што гэтыя мастакі ўсё рабілі з прыроды. Мастаку няма адкуль узяць фарбы, акрамя як з прыроды. Яны рабілі шэдэўры, а шэдэўр заўсёды звязаны з прыродай — з небам, з вадой", — распавядае Ірына Кузняцова.
"Я настолькі натхніла ўсіх гэтых ідэяй, што ўсе прыходзілі і нешта рабілі, нават дзеці нешта распісвалі", — дадала мастачка.
Пасля афіцыйнай часцы і віншавнняў Ірына Кузняцова ўзяла парасон з беларускім сцягам і скамандавала: "Беларусы, за мной!". Мастачка запрасіла ўсіх на выставу, распавядаючы пра кожны арт-аб'ект і гісторыю яго стварэння. 
Стужка навiн
0