МІНСК, 4 ліс — Sputnik. Гурт з двух дзясяткаў вакалістаў выконвае кавер-версіі сусветных поп- і рок-гітоў у стылі грыгарыянскіх харалаў.
Праект у яго цяперашнім выглядзе быў заснаваны музыкай Франкам Петэрсанам у 1999 годзе.
"Калісьці даўно я быў у адным з манастыроў Іспаніі. У маіх навушніках грала рок-музыка, але раптоўна да яе сталі далучацца незвычайныя гукі. Гэта манастырскі хор выконваў грыгарыянскія харалы ў суседняй зале", — распавядае Петэрсан.
Першы альбом "Masters Of Chant" (майстра спеваў) уключаў у сябе версіі песень з рэпертуару Dire Straits, Metallica, Пітэра Гэбрыэла ды іншых артыстаў і стаў гітом у шмат якіх краінах Еўропы. З таго часу Gregorian выпусцілі больш з дзясятак альбомаў, атрымаўшы за іх шэраг залатых і платынавых узнагарод. Рэпертуар калектыву ўражвае сваёй шырынёй — ад Abba, Desireless і Мадонны да U2, Pink Floyd і Nine Inch Nails.
Але канцэрт Gregorian — гэта яшчэ і відовішчнае шоў з насычаным візуальным складнікам. У Мінск гурт прывязе з сабой 15 тон дэкарацый, касцюмаў, гукавога, светлавога і піратэхнічнага абсталявання. Старанна падабраныя дэкарацыі, святло і спецыяльныя эфекты узмацняюць уражанне ад музыкі і надаюць ёй неверагодную глыбіню.
Канцэрт адбудзецца 8 сакавіка ў мінскім Палацы спорту, пачатак а 19-й гадзіне, кошт квіткоў складае ад 470 да 1200 тысяч рублёў.
