15:13 26 мая 2018
«Радыё Sputnik»
  • USD2.00
  • EUR2.34
  • 100 RUB3.25
Журы нацыянальнага адбору на Еўрабачанне-2015

Ціхановіч пра адбор на “Еўрабачанне”: ёсць годныя кандыдаты

© Sputnik / Виктор Толочко
Культура
Атрымаць кароткую спасылку
Пайшоў з жыцця Аляксандр Ціхановіч (11)
7711

Прафесійнае журы і журналісты адслухалі больш за паўсотні выканаўцаў і груп.

МІНСК, 27 ліс — Sputnik, Яўген Казарцев. Завяршыўся першы дзень праслухванняў удзельнікаў у межах нацыянальнага адбору на конкурс песні "Еўрабачанне".

Удзельнічаць у нацыянальным адборы на міжнародны песенны конкурс "Еўрабачанне-2016" выказалі жаданне больш за 80 выканаўцаў і гуртоў. Праслухоўванне праходзіць у два этапы, а ўжо ў снежні назавуць фіналістаў нацыянальнага адбору.

У першы дзень прафесійнае журы, у склад якога ўвайшлі Аляксандр Ціхановіч, Дзмітрый Калдун, Іскуі Абалян, Алёна Ланская, Гюнеш і яшчэ шэраг беларускіх знакамітасцяў праслухалі амаль 60 выканаўцаў. Сярод іх: як маладыя і невядомыя, так і ўжо знаёмыя айчынным слухачам: Аляксей Грос, Аўра, Napoli і нават ансамбль "Песняры".

Удзельнічала ў адборы і прадстаўніца Беларусі на дзіцячым "Еўрабачанні-2003" — Вольга Сацюк — пад псеўданімам Volga. Прыйшлі на праслухоўванне і скандальна вядомыя Sweet Brains.

Большасць песень у першы дзень выконваліся на англійскай і беларускай мовах.

"Гэта толькі пачатак, ёсць і годныя кандыдаты, і тыя, хто послабее. Некаторыя нават да саміх сябе з непавагай ставяцца. Яны няўважлівыя да ўмоў конкурсу. Ёсць палітычныя песні, занадта доўгія, ужо выкананыя — усё гэта забаронена правіламі "Еўрабачання" — заявіў журналістам народны артыст Беларусі Аляксандр Ціхановіч.

Другі дзень праслухваньняў канкурсантаў — 2 снежня. Пасля гэтага журы абярэ да 15 лепшых, а не пазней за 25 студзеня пройдзе фінал нацыянальнага адбору. У ім ужо будуць вырашаць усё толькі тэлегледачы — з дапамогай тэлефоннага і смс-галасавання.

Тэмы:
Пайшоў з жыцця Аляксандр Ціхановіч (11)
Тэги:
Еўрабачанне, Стыль жыцця, Музычныя жанры, Музычны конкурс, Аляксандр Ціхановіч, Беларусь, Еўропа, Увесь свет
Правілы карыстанняКаментары

Галоўныя тэмы