17:49 20 верасня 2017
«Радыё Sputnik»
Аляксандр Куль і Алена Масла на адкрытым уроку

“Цмокі” правялі ў школе ўрок беларускай мовы

© Sputnik/
Культура
Атрымаць кароткую спасылку
15740

Дзеці выказалі здагадку, што “цмокі” – ніякія вам не брутальныя “драконы”, а “пацалунак”.

МІНСК, 21 сне — Sputnik. Аляксандр Куль, дырэктар па маркетынгу баскетбольнага клуба "Цмокі Мінск", вядомага за сваю падтрымку беларускай мовы — не так даўно афіцыйны сайт клуба цалкам адмовіўся ад рускамоўнай версіі — завітаў на адкрыты ўрок па беларускай мове. У якасці аўдыторыі, гатовай гаварыць па-беларуску — вучні 2-3 класаў, у ролі настаўніка — сам Куль і беларускай дзіцячая пісьменніца Алена Масла. Такія ўрокі, на якіх дзеці могуць сустрэцца з беларускімі пісьменнікамі ды з проста цікавымі асобамі, ладзяцца пры дапамозе кампаніі velcom у межах праекта "Чытаем па-беларуску".

Урок праходзіў ушколе са спартовым ухілам — №59 — і настаўнікі першым чынам правялі ганаровага госця па ўсіх сваіх ганаровых пакоях. Ганарыццы школа, перш за ўсё, двума басейнамі і трэнажорнымі залямі. Сам спадар Куль распавёў карэспандэнту Sputnik, што ў яго дзяцінсве — а прайшло яно ў вясковай школе Віцебскай вобласці — такога абсталявання для заняткаў спортам не было. Ды і ў баскетбол ён патрапіў амаль ці не выпадкова.

"Я ўвогуле не быў спартовым хлопчыкам, нават калі ў двары ў футбол гулялі, мяне не хацелі браць у каманду. Хіба толькі на варотах стаяць, калі нікога больш няма, бо вялікі", — распавядае былы баскетбаліст і дзеючы дырэктар "Цмокі Мінск".

Спадар Аляксандр прызнае, што ўнутры каманды па-беларуску не размаўляюць, бо акрамя гульцоў уласна беларускіх, у "Цмоках" ёсць і амерыканцы, і сербы, таму падчас трэніровак зручней гутарыць па-руску. Але ж клуб прэзентуе не толькі горад, але і краіну, таму "Цмокі" лічаць сваім абавязкам рабіць гэта па-беларуску.

Аляксандр Куль, Цмокі Мінск
© Фото: арганізатараў
Аляксандр Куль, "Цмокі Мінск"

"Наш піяр-мэнэджэр надта добра валодае мовай і нават каментуе матчы па-беларуску. Спартовыя тэрміна перакладаць цяжка, яны павінныя быць аднолькавымі для ўсіх. Але ж "Цмокаў" прэзентуем як улачна беларускі брэнд.

Спадар Куль прызнаецца — на баскетбольныя гульні дзеці прыходзяць часта. Каб заахвоціць дзяцей глядзець на баскетбол, дзецям да шасці гадоў праход на гульні зрабілі бясплатнымі.

Тэги:
"Цмокі Мінск", Мінск, Беларусь
Правілы карыстанняКаментары

Галоўныя тэмы