МІНСК, 29 сне — Sputnik. Рэпетыцыя пастаноўкі па раману Альгерда Бахарэвіча "Шабаны" актыўна ладзяцца пры Купалаўскім тэатры. Sputnik завітаў на рэпетыцыю і гатовы паказаць вам першыя кадры.
Праца над пастаноўкай распачалася ў верасні гэтага году. Спектакль "Шабаны" ставіць рэжысёр Алена Ганум на камернай сцэне тэатра, якая адкрыецца ў новым сезоне.
Мастацкі кіраўнік тэатра Мікалай Пінігін распавядаў карэспандэнту Sutnik, што спектакль "Шабаны" — дыпломная праца яго студэнткі Алены Ганум. Пастаноўка вельмі спадабалася рэжысёру, таму ён вырашыў перанесці яе на камерную сцэну Купалаўскага тэатра з прафесійнымі акцёрамі.
Раман "Шабаны" у 2012 годзе выдаў беларускі пісьменнік Альгерд Бахарэвіч. Дзея рамана адбываецца ў аднайменным раёне Мінска.
"Клінаў напісаў пра горад сонца, а ў мяне, як кажа мой сябар — горад цемры", — распавядаў Бахарэвіч пра свій раман у інтэрв'ю карэспандэнту Sputnik. У гэтым раёне прайшло дзяцінства аўтара, і назапашаную нявыказаную рэфлексію ён уклаў у твор.
Аўтар нават ладзіў колькі экскурсій па гэтаму раёну, у тым ліку, для карэспандэнтаў Sputnik. Цяпер тур у Шабаны зладзіць "Купалаўскі". Альгерд Бахарэвіч аўтарскую згоду на пастаноўку даў.
