МІНСК, 7 сне — Sputnik. Папулярны відэасэрвіс YouTube назваў самыя прагледжваемыя сёлета ролікі.
Рэйтынг быў складзены сярод самых цікавых відэаролікаў і ў яго не ўвайшлі трэйлеры, урыўкі з фільмаў або кліпы на песні — таму ў ім няма ні "Hello" спявачкі Адэль з мільярдам праглядаў, ні эпізоду "Машы і мядзведзя", які набраў больш за паўтара мільярда праглядаў.
Лепшым відэа YouTube назваў выпуск шоў Джымі Кордэна Carpool-караоке са спявачкай Адэль — яго за некалькі месяцаў паглядзелі больш за 135 мільёнаў чалавек.
На другім месцы — песня пра "ручку-яблык" ад японскага выканаўцы Піка-Таро, які не так даўно які атрымаў за сваю дзіўную песню прэстыжную ўзнагароду.
Трэцяе ў спісе папулярных відэа на постсавецкай прасторы было не так вядома — гэта англамоўны ролік пра тое, што знаходзіцца ў хвасце ў грымучай змяі.
У спіс трапіў і выпуск папулярнага шоў America's Got Talent — 12-гадовая дзяўчынка гульнёй на укулеле скарыў усе Злучаныя Штаты.
Рэйтынг відэасэрвісу таксама змяшчае ролік пра тое, як старэйшыя браты пераканалі дзяўчынку ў наступе зомбі-апакаліпсісу, шоў з удзелам Дональда Трампа, сумесны выступ Бейонсе і акцёра Чэнінг Татум і шэраг іншых.
